一個電郵
收到一個電郵，一個很難分類的電郵，
你說是笑話嗎？它又不是杜撰的。
你說是個通知嗎？但中間又沒有實質的資訊。
電郵的大概內容是這樣的：
朋友，今晚大家約會的詳情就這樣吧：
時間：七點半
地點：尖沙咀 Pizza Hut
（只有一間嗎？嘻嘻，我其實都不太清楚．．．）
鬼，你去留座好嗎？因為你有 Pizza Card 呀！
麻煩你了，今晚見啦！
發起人
收到這個電郵，你會沒有問題要問嗎？
重點一，好大膽的電郵。
大王：「嘩，好大膽！差遣鬼去辦事？連我也不敢！」
主人：「這樣的事連黃波也不敢呢！」
紅波：「鬼，你何時當了人家的助手呢？」
重點二，尖沙咀 Pizza Hut 等。
黃波：「是不是等於各有各等，能見面的話才一起吃飯？」
鬼：「那我約你灣仔麥當奴等吧！」
黃波：「和約在 7-eleven 分別不大。」
醫生太：「不如約炮台山大家樂吧，也有幾間。」
重點三，因為你有 Pizza Card。
有 Pizza Card 和打電話留座有什麼關係？
任何人都不能用張Pizza Card 打電話吧，
你需要的是一個電話和一張嘴巴！
大王：「不如說誰有 HSBC 信用卡就誰去打電話留座！」
重點四，Pizza Hut 打電話留座？
原來 Pizza Hut 可以打電話留座的，廿多年來也不知道。
鬼：「以後去茶餐廳也要打電話留座。」
25 Comments:
其實佢同我地好似嚮唔同星球. That's why 大家諗緊唔同既O野.
定還是佢出入高級食肆多,以為訂位係必然既?
定還是佢劑劑都老點到人幫佢排隊等位,佢去到唔使等,以為o的檯係預先訂既??
你今次唔出9 up語錄?
by Ball Wang
你好大膽，雖然佢唔會黎呢到，但呢到好多人都識佢呀!當然，見面的機會不大，但都危險。
鬼，你沒有說後續，佢理直氣壯地認為那電郵已經約好哂所有人，即使那email是約會早上發的，而且咁荒謬。其實我地應該唔好email同打電話問佢點，睇下佢7:30pm去左邊到等。
語錄好呀，我都不大記得昨晚說了什麼，除了裝修工人的比喻。
冇野講，
簡直一睇就知邊個係發起人
佳佳
黃波，佢竟然夠膽老點我，一日之內老點我 3 次。
呢個指標證明了你第二點假設真到冇得再真。
主人，我個人認為，我地大膽的程度點都不及佢。
佳佳，終於輪到我呀，之前我仲隔岸觀火；
我十分認同你處理這等 email 的手法。
語錄？有些唔出得街，例如裝修和再見李同學的承諾。
其他的，也有幾樣，我去完街再寫。
佳佳，你唔理佢，佢就沒有再搵你約人?
因為胡榮走，
所以我地出來hea，
係咁椅打俾佢
佢又話黎
咁就解決左件事了
"胸姐"講返"上次果單大野"都不停投訴啦
佢話"慰勞"姊妹果餐都要自己夾番錢
其實我地呢d說話，可以講得幾露骨呢？
邊個係佢條針呢？
佢知道又會點呢？
我咁樣寫大家又明幾多呢？
我係邊個又有冇外人知呢？
佳佳
但你地可唔可以講埋個結局過我知呢？
佢吩咐完阿鬼做野之後
有冇人出黎呢？
有冇人訂檯呢？
出到黎有咩好講呢？
好緊張
鍾樂佳
那個 email 是笑話，睇完梗係打俾主人。
我心諗係咪應該自己食飯，唔理佢，
扮係公司收唔到 email。
主人同醫生商量，認為點都要有最後一次，
就認定了那一晚，所以主人給發起人一個 email，
說了 Pizza Hut 沒有訂位的事。
後來，另有朋友剛落機，問今晚點算。
佢還請纓打電話俾發起人，當然又預左會俾老點。
事情的高潮來了，原來佢以為朝早那所謂的 email，
已把事情搞定了，主人的 email 是搞事，
所以佢本想立刻打電話去鬧主人。
最後，由落機朋友訂位，發起人都係除了主人外，
一個電話都冇打到，我地自己通知大家。
胸姐都投訴?唔似喎，我以為係我地先心地唔好。我好有興趣知道胸姐有咩投訴。
佢都會去farewell，估唔到喎，就係今日呀?佢係咪真係會到呀?
個發展你都可以估到，總之佢又怪我搞事，最後係空姐負責約時間地點同book檯。開頭好多人都想縮沙唔去，不過最尾都揍到9個人，幾風風光光。成餐飯咪我地自己gathering，佢都沒怎樣搭咀。細節下次見面先講。
我唔明點解你地要咁合作囉
佢而家係「在自己的中心呼喚菜」
以為全世界得佢一個人
大王之名要讓俾佢
你地一唔係就狠狠地教育一下佢
一唔係就從佢既生命FADE OUT
唔可以俾佢折磨落去
是最後一次了，我地早揀左 fade out。
佢問我地僕人回來會不會 gather，
只係答唔知，我一定唔會話事，由僕人自己決定。
那一晚，我地仍會食飯，
因為我地自己約好其他人十點去飲野。
係喎，你唔講起，我都真係唔覺原來佢都沒份打電話約人。除了我，最少有打俾大王吧。
主人，你做咩唔上icq？
大佬的都係叫你打架，佢原本又要老點我，
不過落機朋友幫推左，但佢都叫你打。
你兩個係佢好朋友，一個有 50% off，一個有 30% off。
fade out這條路其實幾唏噓，不過，沒其他選擇。
鬼，你說的gathering，他已經決定了對策，我只會按指示而行。
佳佳，個晚佢知道我同你會去旅行，猛咁問幾時，好似想一齊去，嚇得我即刻話取消了。
僕人給你打了電話嗎？還是大王的策略？
他找死呀，回來了也不打電話給我？
50% off同30% off一定要話俾佳佳知，真係無話可說。
你和空姐，誰是七折誰是半價？
如果我問，我應該會有「加三」囉
嘩，如果真係同埋一齊旅行，鬧交鬧到唔停口囉一定，旅途上唔想爆血管的話唔好亂黎。
另，我有一大同學想一齊去，我諗四個人好似仲好，你和janet意下如何？
唔係空姐，係大王！你估邊個有半價？
no，你地邊會兜口兜面鬧交？只會分開行。
同阿祥定阿榮？
我可以，再問問janet。
鬼，你去不去?
三天假，有點難度！
我老細成日係度呀吱呀 draw。
同埋，你地有四個人了。
不是榮，也不是祥，是emily
大王半價啦，
主人既友情邊值咁多丫…
如果阿鬼去，咪再叫多一個，湊夠六個囉！叫下叫下，不如包團自己安排行程啦！
3日假都嘈？嫌你放得少呀？你不嬲放開十幾廿日果種假期嫁喎！
佳佳
係囉，點解有交通意外唔係第一個打俾大王呢？
夠了!我怕事。
你怕咩呢？怕大王？定發起人？唔可能！
Post a Comment
<< Home